Sérstök áhersla á skilnað og sambúðarslit auk erfðaréttar.
Reynslumiklir lögmenn. Hafðu samband í dag í síma 520 4100
BORGARLÖGMENN
Lögmannsstofan Borgarlögmenn – Holm & Partners var stofnuð vorið 2006, en á rætur að rekja til ársins 1995 þegar Steinunn Hólm Guðbjartsdóttir hóf eigin rekstur. Eigendur lögmannsstofunnar eru Steinunn Hólm Guðbjartsdóttir, hæstaréttarlögmaður og Páll Eiríksson, héraðsdómslögmaður, LL.M.
Lögmenn stofunnar hafa áratuga reynslu og fjölþætta þekkingu á vettvangi lögfræðinnar. Í störfum okkar leggjum við áherslu á yfirvegaða og vandaða lögfræðilega ráðgjöf, þar sem aðstæður og hagsmunir hvers skjólstæðings eru metnir í heild.
Eigendur stofunnar hafa báðir gegnt lykilhlutverkum í einu umfangsmesta fjárhagslega uppgjöri sem farið hefur fram hér á landi.
Á árunum 2008–2016 gegndu lögmenn stofunnar hlutverki slitastjórnar Glitnis banka, í einu umfangsmesta og flóknasta fjárhagslega uppgjöri sem farið hefur fram hér á landi, með tengsl við fjölmörg lögsagnarumdæmi. Sú reynsla hefur mótað vinnubrögð stofunnar í málum þar sem flækjustig, ábyrgð og nákvæm greining skipta sköpum.
Þjónusta
HJÚSKAPUR OG SAMBÚÐ
Skilnaður og sambúðarslit
Lögmenn stofunnar veita ráðgjöf á sviði hjúskapar- og sambúðarmála, þar á meðal við gerð kaupmála við stofnun hjúskapar eða sambúðar, sem og á meðan sambandi stendur.
Stofan sinnir sérstaklega flóknum skilnaðar- og sambúðarslitamálum, einkum þegar:
- verulegar eignir, skuldir eða ábyrgðir koma við sögu,
- rekstur, fyrirtæki eða hlutabréf tengjast uppgjöri,
- kaupmálar eru milli hjóna
- séreignir eru til staðar, annað hvort á grundvelli kaupmála eða arfs,
- gera þarf erðaskrá milli hjóna og sambúðarfólks
ERFÐIR OG SKIPTI DÁNARBÚA
Flókin dánarbú og erfðamál
Lögmenn stofunnar hafa um árabil veitt ráðgjöf í erfðamálum og sinnt einkaskiptum dánarbúa, sem og hagsmunagæslu og ráðgjöf við opinber skipti. Þá er veruleg reynsla fyrir hendi við gerð erfðaskráa og skipulag erfðamála.
Stofan sinnir sérstaklega flóknum dánarbúum, meðal annars þegar:
- gerð hefur verið erfðaskrá,
- hjón eða sambúðaraðilar eiga ekki sameiginleg börn, eða eiga sameiginleg börn og börn úr fyrri samböndum,
- gerður hefur verið kaupmáli,
- eignir eru að hluta eða öllu leyti séreignir,
- eða þegar eignasamsetning, skuldir eða ágreiningur flækja uppgjör.
Í þessum málum reynir oft á samspil erfðaréttar, hjúskaparréttar og eignaréttar. Samkvæmt gildandi lögum er ekki unnt að útiloka lögbundinn arf með kaupmála eða öðrum samningum milli hjóna eða tilvonandi hjóna, jafnvel þótt það sé sameiginleg ætlun aðila.
Þá ber að hafa í huga að sambúðarfólk nýtur ekki lögbundins arfs samkvæmt erfðalögum. Vilji sambúðaraðilar tryggja erfðarétt sambúðarmaka þarf að gera erfðaskrá og ráðstafa arfi innan þeirra marka sem lög heimila. Þegar afkomendur eru til staðar er ráðstöfunarhluti arfs að jafnaði 1/3.
FYRIRTÆKI OG REKSTUR
Lögmenn stofunnar hafa áratuga reynslu af ráðgjöf til fyrirtækja og eigenda þeirra í málum þar sem rekstur, eignarhald, skuldir og samningssambönd fléttast saman. Slík mál krefjast oft heildstæðrar nálgunar þar sem lagaleg, fjárhagsleg og skipulagsleg atriði eru metin í samhengi.
Stofan hefur sinnt ráðgjöf í tengslum við skipulag og endurskipulagningu rekstrar, breytingar á eignarhaldi, samskipti eigenda og hagsmunaaðila, sem og úrlausn ágreinings sem tengist rekstri og fjárhagslegum skuldbindingum. Í þessum málum leggjum við áherslu á skýra greiningu, yfirvegaða stefnumótun og lausnir sem standast til lengri tíma.
SAMNINGAR OG SAMNINGAGERÐ
Lögmenn stofunnar hafa víðtæka reynslu af samningagerð í tengslum við flókin réttarsambönd, bæði fyrir einstaklinga og fyrirtæki. Við sinnum ráðgjöf við gerð, túlkun og efndir samninga þar sem mikilvægt er að samningsákvæði endurspegli raunverulega stöðu aðila, áhættuþætti og markmið.
Í slíkum málum reynir oft á samspil samninga við önnur réttarsvið, svo sem félagarétt, skuldaskipti, ábyrgðir eða fjárhagslegt uppgjör. Við leggjum áherslu á að samningar séu skýrir, vandaðir og falli að heildarumgjörð málsins, þannig að þeir stuðli að fyrirsjáanleika og stöðugleika í samskiptum aðila.
MÁLFLUTNINGUR
Lögmenn stofunnar hafa áratuga reynslu af flutningi mála fyrir dómstólum á öllum dómstigum. Málflutningur er ávallt síðasta úrræði þegar ekki tekst að leysa ágreining með samningum eða sátt, en í slíkum tilvikum skiptir undirbúningur, greining og skýr framsetning málsatriða sköpum og regluleg samskipti við skjólstæðing.
Stofan hefur komið að flóknum og umfangsmiklum málum þar sem miklir hagsmunir eru í húfi og þar sem dómstólaleið krefst yfirvegaðrar og markvissrar nálgunar. Við leggjum áherslu á að mál séu byggð á traustum grunni og að málsmeðferð sé í samræmi við heildarhagsmuni skjólstæðings.
STEINUNN HÓLM GUÐBJARTSDÓTTIR
HÆSTARÉTTARLÖGMAÐUR
Sérsvið
Skuldaskilaréttur/gjaldþrotaskipti, skiptaréttur, erfðaréttur og skipti dánarbúa, fjármál hjóna og sambýlisfólks, málflutningur, samningagerð, almenn lögfræðistörf.
Tungumál
Enska og danska.
PÁLL EIRÍKSSON,
HÉRAÐSDÓMSLÖGMAÐUR, LLM.
Sérsvið
Banka- og fjármálasvið, skiptaréttur, erfðaréttur og skipti dánarbúa, málflutningur, samningagerð, skattamál og almenn lögfræðistörf.
Tungumál
Enska